Желідегі жазбалар

18.10.2017
Қаралды: 220

Дәурен Болыс: – Оң­түстік Қазақстан облысында соңғы үш-төрт айда бір емес, бірнеше шенді қызметкер парамен ұсталды. Енді облыстық ішкі саясат бас­қармасының басшысы ұсталды деген суыт хабар келді.

Елбасы, ұлт көшбасшысы Н.Назарбаевтың қыз­меткері парамен ұсталса, басшысы қызметтен кетсін деген қатаң тапсырмасы бар. Оны жақсы білесіздер.  Демек, бұл ұсталған адамның бастығы қызметтен кетуі керек дегенді аңғартады. Қазір елімізде жемқорлықпен күрес және оның алдын-алу шаралары қызу жүріп жатыр. Арнайы заң бар. Әдеп кодексі тағы бар. Бірақ ондағы талаптар тиісті деңгейде орындалмайды. Неге? Мемле­кеттік қызмет – халыққа қызмет! Бұл әр мем­қызметшінің ұраны. Жал­ған ұран орға жығады! Әр мем­қыз­метшінің бойында адалдық, әділдік қасиеттері нық орнамайынша, жемқорлықты жою мүмкін емес!

Батыр Қожин: – Парамен ұстау оңай емес және өте күрделі операция. Бір рет алды деп ұстамайды, ең азы үш рет фиксация жасалады. Барлық жүріс-тұ­рыс­тары аудио-видеомен толық пысықталады. Содан кейін қолға кісен салынады. Мұн­дай жағдай болмаса сотта оп-оңай құтылып кетеді.

Әйгерім Төлепова: – Сәтжанды да, Болатты да араға апта салмай ұстап беріп отыр. Екі видеода да (Сәтжан мен Болаттың) та­ңырқай қарап тұрғанын байқау қиын емес, әрине. Осы екі азаматты да шақырып алып: «Орындарыңнан кетіңдер», – десе кетер еді ғой. Бұл – халықтың би­ліктегілерге деген сенімін тұн­шықтырып өлтіру деген сөз. Билікке сенбеген халық – сорлы халық. Сәтжан да, Болат та өз істерін жақсы білетін мамандар еді.

 

Мақаланы көшіргенде Zamana.kz сайтына сілтеме көрсету міндетті!