Егер суық тисе...

24.11.2017
Қаралды: 456

Күз бен қыс айларында көбімізге суық тиіп, ауырып қаламыз. Мұрын бітіп, тұмауратқанда немесе тамағымыз ауырғанда төменде айтылған шараларды қолданып, ауруды асқындырмауға болады.

1 ас қасықтан бал мен  құрғақ  қыща (горчица) мен 2 ас қасық қара бидай ұнын шамалы жылы сумен араластырып, қоймалжың дайындауға болады.  Суықтап, мұрын бітіп, демалу қиындағанда танау қуысына жағу керек.

Эфир майы бөлініп шығуы үшін қарағайдың қылқанын жаншып езіп, сөліне аздап сары май мен камфора майын қосып, танауға жағады. Ұйқы алдында кеуде мен арқаға жағып, қалың сүлгімен немесе жүн орамалмен орап тастаған жөн.

Шикі қызылшаны майда теркадан өткізіп, шыққан сөліне мақтаны батырып алып, танауға бірнеше минут тығып тұру керек. Мұнан кейін мұрынның бітуі бірте-бірте басылады.

1/2 стакан пияз сөліне 2 ас қасық бал мен 1 шай қасық алма сірке суын қосып, алынған қоспамен тамақты сылайды.  Бұл емді ангинаға да қолдануға болады.

Раушан КӘДЕРБЕК.

 

Мақаланы көшіргенде Zamana.kz сайтына сілтеме көрсету міндетті!

Пікір қалдыру

1000 символ