Қазығұрттан шетелге ет пен май шығарылып жатыр

05.11.2019
Қаралды: 908

Түркістан облысының әкімі Өмірзақ Шөкеев жұмыс сапарымен Қазығұрт ауданында болды.

 

Облыс әкімі алдымен осындағы  Д.Қонаев көшесінің бойындағы абаттандыру жұмыстарымен танысты. «Ауыл – ел бесігі» арнайы бағдарламасы аясында «Мемлекеттік рәміздер» және «Рухани жаңғыру» аллеяларының құрылысы екі ай ішінде толығымен аяқталып, ел игілігіне тапсырылған.

 

Мұнан соң облыс әкімі жөндеуден өткен орталық стадионда болды. Осыдан жарты ғасыр бұрын салынған спорт алаңы осы уақыт ішінде алғаш рет күрделі жөндеуден өткен. Қазір жаңа тыныс бітіп, жасөспірімдерді қабылдауға дайын. Стадионда 28 балалар тобы спортпен айналысады.

 

Келесі нысан – Қызылқия ауыл округіндегі «Амангелді» шаруа қожалығы. Диқандар тамшылатып суару әдісін қолданып, бау-бақша баптау кәсібімен айналысады. Жоғары сұрыпты алма, шабдалы, шие, алхоры, өрік, алмұрт және жүзім өсіреді. Шаруа қожалығы қоймасында 2 мың тонна жеміс-жидек сақтауға болады. 

 

Аймақ басшысы Шарбұлақ ауыл округіне қарасты «Сапа-2002» ЖШС- ін аралап көрді. Қожалық егін егіп, мал бордақылау кәсібімен айналысады. 10 мың бас уақ мал бордақылау кеше­нінен жарты жылда 150 мың тоннадан астам ет экспортталған.

 

«Мал шаруашылығын дамыту үшін бірінші кезекте ветеринария саласын дамыту керек. Бұл мәселені дұрыс жол­ға қоя алмасақ, ет экспорты туралы айту да әбестік. Бізде ет өнімдерінің, оның ішінде сиыр еті мен қой етінің сыртқы саудадағы потенциалы өте жоғары. Дегенмен алдымен ішкі нарықты қамтамасыз ету жағын жолға қою керек», – деді Өмірзақ Естайұлы шаруалармен кездесу кезінде.

 

Шаруалар Қазығұрт қымызына сұраныстың өскенін айтып өтті. Сондай-ақ таңқурай өсіруді кәсіп еткен жергілікті диқандар жылына 2-3 өнім алу әдісін мықтап қолға алған.

 

Ауданда өсімдік майын өндіру цехы дайын өнім шығарады. Өндіріс қуаттылығы жылына 1000 тонна өнімді құрайтын цех Қытайға мақсары ма­йын экспорттайды. Кәсіпорын мақта майын да өндіреді.

 

Түркістан облысы әкімінің баспасөз қызметі

 

Пікір қалдыру

1000 символ