«Сарыағаш» шипажайын сату кейінге қалдырылды

30.03.2018
Қаралды: 261

Елімізде көптеген маңызды нысандарды аукционға қою арқылы жекешелендіру науқаны жүріп жатқаны белгілі. Осы іс-шара аясында әйгілі «Сарыағаш» шипажайының да сатылымға қойылғаны мәлім.

 

«Сарыағаш» шипажайының сатылымы өткен, 2017-жыл соңында өтуі тиіс еді, бірақ кейін биылғы жылдың наурыз айына қалдырылған болатын. Шипажай кешегі 27-наурызда сатылуы тиіс болатын, дегенмен сатылым мерзімі тағы да кейінге шегерілді. Енді ол биылғы жыл соңында, 4-желтоқсан күні өткізілетін болды.

 

Шипажайдың жекеге сатылу бағасы – 3 миллиард 414 миллион 181 мың теңге. Кепілдік құнға 500 мың теңге төленуі тиіс.

 

Бұған қатысты тендерлік шартта бірнеше талап-ережелер көрсетілген. Соның бірі – шипажайды жеке меншігіне алушы оған нарықтық құнының 50 пайызы деңгейінде инвестиция салуы қажет. Сондай-ақ жаңа қожайын ондағы жұмыс орындарын сақтайды, қосымша 30 жұмыс орнын ашады.

 

Р. ҚАЛТАЙ.

 

Мақаланы көшіргенде Zamana.kz сайтына сілтеме көрсету міндетті!

 

 

Пікір қалдыру

1000 символ