Некені нығайтуға көмектесетін кеңестер

Ерлі-зайыптылардың барлығы дерлік отбасылық дағдарысты басынан өткеретіні жасырын емес. Ұрыс-жанжал, түсініспеушілік сияқты жағымсыз жайлар кез келген отбасында болып тұрады. Осы орайда қарым-қатынасты жақсартуға арналған мына кеңестер ойыңызда жүрсін:

Ерлі-зайыптылар арасында түсініспеушілік орын алған кезде ұрыс туындайтыны белгілі жағдай. Сондайда ішіңіз жарылып бара жатса да айтар сөзіңізді іркіп, се­рігіңіздің сөзін тыңдауды үйреніңіз.

Қарым-қатынасты жақсарту үшін құр тыңдау жеткіліксіз. Бір-біріңізді түсінуге тырысыңыз. Жолдасыңыз сөйлеп жатқан кезде оған сұрақ қоя отырып, оны түсінуге тырысыңыз. Сұрақтарыңызды ұрысты одан әрі өршітетіндей болып кө­рінсе де қойыңыз. Көкейіңіздегі сұ­рақтың нақты жауабын алсаңыз, ол отбасыңыздағы туындаған мәсе­ленің түйінін шешуге көмектесуі мүмкін.

Отбасында туындаған дауды түзелмейтін қиын мәселе ретінде қараудың реті жоқ. Жолдасы­ңызды өзіңізге деген сезімі суып, қарым-қатынасы бұ­зылды деген суық ойға берілуге де болмайды. Араларыңызда орын алған ұрысты өзара түсі­нісуге үйрену деп қараңыз. Сөйтіп бұрынғы жақсы күндеріңізді еске алып, жаман ойлардан тезірек арылуға тырысыңыз.

Қандай мәселе орын алса да оны екеулеп шешуге тырысыңыздар. Отбасында туындаған келеңсіз жайларға ерлі-зайыптылардың екеуі де себепкер болатыны есіңізде болсын. Дағдарысты жағдайдан шығуға екеу­іңіз бірдей атсалысуларыңыз керек. Бір-бірлеріңізге кешіріммен қарап, арадағы ұрысты тезірек ұмытуға тырысқандарыңыз жөн.

Жанжал кез келген адамның көңіл-күйін түсірері сөзсіз. Алайда тым қатты ашуға беріліп, дауыс көтере ұрысқаннан ештеңе шықпайтынын есте ұстаңыз. Мұндайда ең бас­ты қағида – сабыр сақтау. Айтар сөзіңізді дауыс көтермей, жайлап, сабырмен жеткізе білу. Қызбалықпен өмірлік жолдасыңызға ауыр сөздер айтып, жанын жаралаудан аулақ болыңыз.

Некені сақтап қалудың бір жолы – ерлі-зайып­ты­лар­дың болашаққа бірге жоспар құруы. Ре­ні­ші­ңізді жеңіп, алдағы уақытта не істей­тініңізді ойласа бастаса­ңыз, ашуыңыздың біртіндеп тарағанын сезі­не­сіз. Әрі бір-бірлеріңізге сенім­деріңіз арта бастайды.

Егер дау күннен-күнге өршіп бара жатса, ажыра­суға арыз тастауға асықпаңыз. Некені сақтап қалу үшін кейде ерлі-зайыптылардың біршама уақыт бір-бірінен бөлек тұр­ғаны да пайдалы. Жалғыз қал­ған сәтте болған­ жағдайға сырт көзбен қарауға мүмкіндік туады.

Қ. ҚАЛИБЕК.

Шымкент қаласы.