Тағы да бұршақ жауа ма?

19.07.2017
Қаралды: 816

Биылғы шілде құбылмалы ауа райымен таң­қалдырып тұр. Алғашында еліміздің барлық­ аумағында дерлік 40 – 45 градустан асқан аптап ыстықтар болды.

 Сондықтан күннің бұдан әрі де ысуы мүмкін екенін айтып жүр­гендер болды. Тіпті Қызыл­орда облысында 60-тан асып, 75-ке дейін жетеді деп сөз тарат­қандар жөнінде біз га­зетіміздің өткен нөмірінде жазған­ болатынбыз.

Ал кешегі аптада таби­ғат жұртты тағы да таңқалдырды. Еліміздің батыс өңірінде баданадай бұршақ жауды. Бұршақ облыс орталығы Орал қаласын да төпеп өтті. Жарияланған деректерде оның кем дегенде бір сағат бойы жауғаны жайлы айтылып жүр.

Бұл күндері еліміздің оң­түстігіндегі аптап ыстықтың беті біршама қайтты, түнгі кезде ауа біршама салқындады. Біраз жерлерде күн күрт салқындап, өткінші жаңбыр жауды. «Қазгидро­меттің» хабарлауынша, бұған еліміз аумағына Арктика жақтан енген суық ауа ағыны себеп болған­.

Ал ай ортасында күн райы қайта ысымақ. Дегенмен үшінші онкүндіктің алғашқы кезеңінде де ауа жиі құбылатын болады, біресе аптап ыстық, біресе салқын ауа, кейде жаңбыр жауып, жұртты әртүрлі күйге салмақ. Ауа райын болжау орталығының ұзақмерзімдік болжамдарында осылай деп айтылған. Орталықтың бұған дейінгі болжамдарында пәлендей ауытқу байқалмағанын ескерсек,  бұл айтқандары да айнымай келеді деуге негіз жоқ емес.

Әрине, ауа шекарасыз бол­ғандықтан бұл болжамдар тура шықпай жатуы да мүмкін. Оны алдағы күн­дер көрсетер.

Т. ТҰРАН.

 

Мақаланы көшіргенде Zamana.kz сайтына сілтеме көрсету міндетті!

Пікір қалдыру

1000 символ