«Замана» газетіне жазылу жыл бойына жалғаса беретінін естеріңізге саламыз.
Егер Сіз бүгін-ертең барып жазылсаңыз, келесі айдан бастап газет қолыңызға тиетін болады.
«Ауырмаңыз!», «Керек кеңестер», «Қызық газет», «Тылсым дүние» басылымдарын да келесі айдан бастап жаздыра аласыздар.
Елге арналған газеттермен етене болыңыз, ағайын!
Сізге арналған сәлемхат
Құттықтаймыз!
* Айзат және Нұрзат! Сендерді сегіз айға толған туған күндеріңмен құттықтаймыз! Апасы, атасы, бабасы. 8-775-458-20-89.
* Ұлымыз Мейіржан Нұрғалиды 23-қараша – туған күнімен құттықтаймыз. Дені сау, үлкен азамат болсын! Әкесі Ерік, анасы Гүлназ. 8-702-748-37-42.
* Бөлеміз Айнұрды 18-қараша – туған күнімен құттықтаймыз. Мөлдір судай шаттықты, аппақ гүлдей ақтықты тілейміз. Жұлдыздардай жарқырап, бол әрқашан бақытты! Зор денсаулық, мол бақыт, ұзақ ғұмыр тілейміз. Өмірлік серігің болсын! Сені жақсы көреміз. Тілек білдірушілер – жезде және бөлелерің. 8-775-956-21-89.
* Ағам Ерғали Ниятбековті 14-қараша – туған күнімен шын жүректен құттықтаймын! Оған бұл өмірдегі барлық жақсылықты тілеймін. Өмірде бақытты бол! Қарындасы Жазира. 8-775-648-93-21.
* Айман жеңгемізді өткен туған күнімен құттықтаймыз. Азамат ағам екеуіңіз бақытты болыңыздар! Аягөз, Асқат, Аят. 8-775-497-94-95.
Жаңа кітап
Қазақтың ұлттық тағамдары
«Замана» Баспа үйінен «Қазақтың ұлттық тағамдары» атты кітап жарық көрді. Онда ұлтымыздың жеңсік тағамдары мен оларды даярлау жолдары, қазақи дастарханға қатысты әдет-ғұрып, жөн-жосық, салт-дәстүрлер баяндалған. Кітапта сонымен қатар қадірлі қонақтарға, құда-жекжаттарға, жасы үлкен ағайынға тартылатын сый табақ, ұлттық тағамдарды дәмді етіп әзірлеудің құпиялары да жазылған. Ұлттық ыдыс-аяқтар мен тағамдарға қатысты қазақтың ырымдары мен тиымдары да қамтылған кітаптың әр шаңырақтан табылғаны жөн-ақ.
Сіздер бұл кітапты барлық жердегі газет таратушылардан сатып ала аласыздар. Ал көтерме сауда жөнінде мына телефондарға хабарласуға болады: (8-725-2)-53-50-94, 43-24-67.
Жаңа кітап
Әйелдер, Сіздер үшін!
Көктемде әсіресе қыз-келіншектер әсемденіп, бой-бастарына шындап көңіл бөле бастайды. Оларға мұндайда әсемдік сырлары, денсаулық күтімі туралы ақыл-кеңестер керек-ақ. Осы орайда «Замана» баспасы оқырман назарына «Әйелдерге арналған әңгіме» деп аталатын танымдық кітап ұсынғанын естеріңізге саламыз. Бұл кітаптан әйелдерге қажетті сан түрлі ақыл-кеңестерді таба аласыздар.
Жаңа кітап
Жар таңдай білесіз бе?
Көктемде ел ішінде үйлену тойлары көбейеді. Ал үйленудің өзі де жан-жақты дайындықты қажет ететін маңызды іс, өмірдің ыстық-суығын бірге көтерісе алатын жар табу әркімнің-ақ арманы. Осы орайда «Замана» баспасы оқырманға «Жар таңдай білесің бе?» деген тақырыпта шыққан кітапты ұсынады.
Жаңа кітап
Тез байығыңыз келсе...
Онда «Замана» баспасынан жарық көрген «Тез байығыңыз келе ме?» деген кітапты алып оқып көріңіз. Бұл кітапта бақуат тұрмысқа қол жеткізудің қыр-сырлары жөнінде егжей-тегжейлі айтылады. Ол көп нәрсеге көзіңізді ашары анық.
Құлағыңыз түрік жүрсін!
«Керек кеңестерден» кеңес алыңыз
Өмірдің әр саласында әркімнің өз көрген-білгені, көңілге түйгені бар. Осы тұрғыда ол туыстарына ғана емес, қажет еткен басқа жандарға да пайдалы ақыл-кеңестерін беріп отырады. Ал мұндай сауапты іске газеттер атсалысса, оның көпшілікке берері тіпті де еселене түспек. Бұл бағытта «Замананың» қосымшасы – «Керек кеңестер» газетінің атқарып жатқан істері жетерлік.
«Керек кеңестер» газетінің биылғы 1-ші нөмірі жарыққа шықты. Онда тұрмыс-тіршіліктің сан саласын қамтитын түрлі кеңестер молынан жарияланған. Оқыңыз, керегіңізге жаратыңыз!
Негізгі бет
немересін өкіметке өткізгісі келеді
Кешегі аптада Жетісай қаласында болғанымызда, «НұрОтан» ХДП Мақтаарал аудандық филиалының алдында бір әйелді кездестіріп, жөн сұрадық. Ол кісі жеке мәселесімен еліміздегі маңдай алды партиядан көмек сұрауға келгенін айтты.
«Өзім де, күйеуім де мүгедектерміз, – деді Қарлығаш Жалғасова (суретте). – Ұлым жұмыссыз. Жастары бір жарымда және беске толмаған екі баласы болғандықтан қызым да жұмыс істей алмай үйде отыр. Оларға қарайтын менде шама жоқ. Сондықтан «НұрОтаннан» көмек сұрамақпын. Өзіміз Өзбекстаннан былтыр көшіп келгенбіз. Әлі Қазақстанның азаматтығын алып үлгергеніміз жоқ. Мұндағы азаматтар баламды жұмысқа орналастырып берсе дұрыс болар еді. Ал қызымды жұмысқа шығару үшін екі немеремді балалар үйіне орналастырсақ деген ойымыз бар. Әрине, түпкілікті емес, уақытша ғана. Онда да барып, хабар алып тұрамыз ғой. Кішкентай немеремізді қимаймыз, бірақ басқа амалымыз жоқ. Немересін балалар үйіне өткізді деген сөздің жақсы еместігін де білеміз. Сондықтан лажы болса, тәуліктік балабақша табылса тіпті дұрыс болар еді. Қалай болғанда да оларды үйде ұстап отыра беру мүмкін емес. Тамақ, киім керек. Күйеу баламыз ішімдікке әуес болып кетті. Әйтпесе баласына қараса оған кім қой дейді?»
Оқырмандарымыздың есінде болса, өткен жылдың соңында «Замана» газетінде «Полициядан зәбір көрсеңіз, қауіпсіздік басқармасына жүгініңіз» деген тақырыппен мақала жариялаған болатынбыз. Ол мақалада құқық қорғау қызметкерлері тарапынан жәбір көрген жағдайда кез келген адамның ОҚО ішкі істер департаменті өзіндік қауіпсіздік басқармасына арыздана алатыны туралы жазылған.
Аталмыш басқарма қызметкерлері өткен жылдың соңына қарай полиция қызметкерлері тарапынан жасалған бірнеше қылмыстық әрекеттерді ашумен айналысқан. Біз облыстық ішкі істер департаменті өзіндік қауіпсіздік басқармасы бастығының орынбасары, таяуда ғана ердің жасы – 50-ге толған Шырынбек Оңғаровпен осы мәселелер төңірегінде әңгіме қозғаған едік
Еліміздегі денсаулық сақтау ісіне мол еңбек сіңірген азаматтардың бірі – академик Дербісәлі Сексенбаев. Ол кісінің медицина саласында еңбек етіп жүргеніне биыл тура жарты ғасыр толып отыр. Осы мерейлі мереке қарсаңында оның өмір жолы туралы «Алтын қолды хирург» атты кітап жарық көрді. Авторы – қаламгер Айыпберген Балтабайұлы (Айып Нұр). Таяуда Шымкентте Д.Сексенбаевтың медицина саласында еңбек етіп жүргеніне елу жыл толғаны аталып, оның өзі жайлы жазылған кітаптың тұсаукесері болып өтті.
Д.Сексенбаев медицина қызметкері болуды бала кезінен армандапты, 15 жасынан бастап ізденіп жүріп ақыры жоғары оқу орнына түскен, оны өте жақсы деген бағамен бітірген. Ол кісі бұл саладағы жұмысын қатардағы дәрігерден бастаған, кейін қызметі өсіп, лайықты еңбегінің арқасында есімі бүкіл елімізге белгілі болған жан. Оның шарапатын көргендер ел ішінде жүздеп саналады.
Медицина ғылымдарының докторы, профессор Дербісәлі Сексенбаев осы салаға сіңірген еңбегі үшін «Парасат» орденімен марапатталған.
Бүгінгі таңда экологиялық таза азықпен тамақтанудың өзі қиындап барады. Сол себепті күнделікті өмірде астан, судан және ауадан адам ағзасы түрлі токсиндермен уланып жатқаны жасырын емес. Адам ағзасына нәр беретін қанның токсиндерден таза болуы денсаулықты жақсартуда үлкен маңызға ие. Ал қан құрамын олардан қалай тазартуға болады? Осы жөнінде біз Оңтүстік Қазақстан облыстық қан орталығы директорының медицина жөніндегі орынбасары, трансфузиолог-дәрігер Жайнар Астанаевамен әңгімелескен едік.
– Жайнар Орынбасарқызы, плазмофорез деген не, осы жөнінде тоқталып өтсеңіз?
– Күнделікті қолданатын тамақ, ауа, су арқылы адам ағзасына тұрақты түрде мыңдаған қажетсіз заттар енеді. Оның қатарында, әрине, улылары да болады. Бұған түрлі күйзелістерді, ұйқының қанбауын, экологиялық жағдайдың қолайсыздығын қосыңыз. Яғни бүйрек, бауыр, өкпе және ағзаның тазалығына жауапты тағы басқа мүшелер өз міндетін толық атқара алмай қалады. Содан ағзаның қорғаныш күші әлсірейді. Міне, сонда ағзаны қажетсіз, улы заттардан тазалау керек болады.
"Пошташы жоқ, газетсіз қалдық"-дейді қараталдық қариялар
Жаңа жылдың алағашқы айы да артта қалды. Оқырман қауым 2012-жылға жазылған газеттерінің бірнеше нөмірлерімен қауышып үлгерді. Дегенмен ел ішінде мұндай мүмкіндіктен мақұрым қалып отырғандары да баршылық екен. Кешегі аптада Сарыағаш ауданына барғанымызда осындай бір келеңсіз оқиғаға куә болдық.
«Мен «Замана» газетіне жазылған болатынмын, – дейді Қаратал ауылының тұрғыны Тазабек Әбдіраманов есімді азамат (суретте). – Әлі бір газет алғаным жоқ. Айына берілетін зейнетақыға барғанымызда қолымызға кез-келген газетті ұстата салады. Егер бұл әрекет ақпанда да жалғасатын болса, онда мен келесі жартыжылдықта ешқандай газетке жазылмаймын. Өзім қалағанды бермей, айына топтап қолыма басқа газет ұстата салса оны не істеймін?»
Биылғы қыс талайдың көкесін көзіне көрсетіп тұр. Мұндайда үйдің жылы болуы маңызды. Әсіресе еден жылы болса рахат, табаннан сыз өтпейді, белің, бүйрегің ауырмайды. Ал еден жылы болуы үшін оған киіз төсеген дұрыс.
Біреуі 1500 теңге тұрады
Кешегі аптада Шымкенттегі «Алаш» базарын аралап жүріп осында киіз сатып тұрғандарды кезіктірдік. Қалыңдығы кілемдікінен сәл-ақ асатын бұл киіздердің ұзындығы – үш, ені екі метр екен, бағасы 1500 теңге. «Жақсылап» саудалассаң одан да түсіріңкіреп алуға болады. Ташкенттікі, «фабричный» дегендері тығыздау, ал Сарыағаштан шығарылатындары бостау көрінді. «Базарға қолдан басылған киіз әкелетіндер бар ма?» – деген сауалымызға сатушылардан: «Өй, ондай киізді кім әкеледі, өткізе алмайды ғой», – деген жауап алдық.
Шардара облыстағы жер көлемі үлкен аудан болып саналады. Басқалар малын суғаруға су таппаған кезде, бұл ауданның тұрғындары ағын суды қайда жіберерін білмей сасады. Жалпы, ебін таба білсе Шардара ауданы жоқтан бар жасау мүмкіндігіне ие. Ал шардаралықтар бүгінде сол мүмкіндікті дұрыс пайдаланып жүр ме?
Суы бар жерде бау-бақшаның мол болатыны белгілі. Жұрт көкөніс пен жеміс-жидектің өздерінен артылғанын сатып пайда тапқанды дұрыс көреді. Бірақ жиналған өнім тез арада сатылып үлгере ме, мәселе осында. Сатылмай қалса, оларды сақтайтын қойма болғаны дұрыс.
Шардара ауданында сыйымдылығы 500 тонналық көкөніс сақтау қоймасы бар. Бірақ сыртында жазуы болғанымен ішінде ештеңе жоқ екен. Себебін сұрағанымызда жергілікті тұрғындар: «Осыдан екі-үш күн алдын облыс әкімі Асқар Мырзахметов ауданға келіп кетті, – деді. – Сол кезде бізде көкөніс сақтау қоймасы бар деп сыртынан көрсету үшін жасалған тірлік қой. Әйтпесе қайдағы қойма? Ендігі келгеніңізде бұл жазуды алып тастағанын көресіз.
Алдағы жазда Ұлыбритания астанасы Лондон қаласында өтетін ХХХ жазғы олимпиада ойындарына жолдамаға облысымыздан күні бүгінге дейін 10 спортшы ие болды. Олар мыналар:
Мөлдір Әзімбай – спорттық гимнастика (ОҚО гимнастикадан олимпиада резервінің мамандандырылған балалар мен жасөспірімдер спорт мектебі), Феруза Ергешова, Нұрсұлтан Мамаев – таэквондо (облыстық жекпе-жек спорт түрлерінен жоғары спорт шеберлігі мектебі), Ольга Терешкова, Наталья Ивонинская – жеңіл атлетика, Александр Диченко – велоспорт (Шымкент қалалық №2 жеңіл атлетика мен велосипед спортынан олимпиада резервін даярлайтын балалар мен жасөспірімдер спорт мектебі), Евгений Алексеев – байдарка және каноэда есу (ОҚО су спорты түрлерінен олимпиада резервінің мамандандырылған балалар мен жасөспірімдер спорт мектебі), Сергей Истомин, Надира Ногай – ауыр атлетика (ОҚО ауыр атлетикадан олимпиада резервін даярлайтын балалар мен жасөспірімдердің мамандандырылған спорт мектебі), Ангелина Мищук – стенд ату (республикалық олимпиада резервін даярлау орталығы, облыстық оқ ату және ұқсас спорт түрлерінен олимпиада резервінің мамандандырылған балалар мен жасөспірімдер мектебі).
Ауған соғысының ардагері, бірнеше орден-медальдардың иегері, Түлкібас, Бәйдібек аудандарының Құрметті азаматы, облыстық соттың кеңсе бастығы Орынбасар Лештаев 2-ші дәрежелі «Айбын» орденімен марапатталды. Бұл марапатты оған Қазақстан Республикасы Жоғарғы Сотының төрағасы Бектас Бекназаров мемлекеттік және қоғамдық істерде белсенділік танытқаны, заңдылықты қамтамасыз етуде қол жеткізген табыстары, әскери борышын атқару үстінде көрсеткен батылдығы мен жанқиярлығы, елдің әлеуметтік-экономикалық дамуына, халықтар арасындағы достықты нығайтуға қосқан үлесі үшін табыстады. Мұндай орден Қазақстан сот жүйесінде қызмет атқаратын азаматтардың ішінде бірінші рет О.Лештаевқа беріліп отыр.
«Айбын» орденінің иегері атану мен үшін, әрине, үлкен абырой. Енді сол марапат пен құрметке шын мәнісінде лайық екенімізді дәлелдеуіміз қажет», – дейді «Айбынды» азамат.
Мақтаарал ауданындағы «Халықтар достығы» ауылы тұрғындары редакциямызға қайта-қайта хабарласып, тұрмыс жағдайларының нашарлығын айтқан соң өткен аптада осы ауылға барып қайтқанбыз. Жоғарыдағыларға сөздерін өткізе алмаған тұрғындар ашулы. Олар өздерінің мұң-мұқтажын баспасөз арқылы көпшілікке жеткізгенді дұрыс көріпті.
Мектептің қос ғимаратының арасы төрт шақырым
Бұл ауылда Жеңістің елу жылдығы атындағы орта мектеп бар. Оның екі ғимаратының арасы төрт шақырымдай екен. Директоры ортада шапқылап жүріп шаршаса керек, қазір біреуіне анда-санда ғана барып хабар алып кететін көрінеді. Сондықтан тұрғындардың ауылға жаңа мектеп салып, оған басқа директор тағайындау керек деген пікірі басшылар назарынан тыс қалып келе жатыр екен.
Өткен, 2011-жылдың 21-қараша күні Шымкенттің Қонаев даңғылында орын алған жантүршігерлік жол-көлік оқиғасы жұрттың есінде. Сол күні ешқандай да жол ережелерін бұзбай, жаяу жүргіншілерге арналған жолақтан өтіп бара жатқан 16 жастағы қызды қатты жылдамдықпен жеткен «Ауди» көлігі қағып кеткен болатын. Алапат соққыдан 50-60 метр жерге дейін ұшып кеткен қыз аса ауыр жарақаттар алған. Жедел жәрдеммен ауруханаға жеткізілгенімен дәрігерлер оны құтқара алмады. Зардап шегуші, 10-сынып оқушысы Динара Атажанова (суретте) ауруханада өз-өзіне келмеген күйі жантәсілім етті.
Ал марқұм қыздың қазасына себепкер болған Шымкенттегі Абай аудандық полиция бөлімінің аға криминалисі, полиция майоры Асқар Көлбаев көп ұзамай тұтқынға алынған болатын. Оның үстінен қылмыстық іс қозғалған.
Таяуда Шымкенттің әл-Фараби аудандық сотында судья Шара Бисембиеваның қарауында аталған оқиғаға байланысты сот процесі басталғанынан да жұрт құлағдар. Ал кешегі аптаның сәрсенбі күні болған кезекті сот отырысында айыпталушыға қатысты шешім шығарылды.
Өткен жылдың тамыз айында орын алған бұл оқиға жұрттың есінен әлі де шыға қоймаса керек. Төрт баланың анасы, 38 жастағы Сәулет Ерманова ауыр қылмыс жасаған еді, ол өзінің енесі Ұ.Ерманованың өліміне себепкер болған. Қылмысты ұйымдастырып, оны туған әпкесінің баласымен бірге іске асырған. Осы оқиғаға байланысты қозғалған қылмыстық іс барысында мына жайлар анықталды:
2010-жылдың көктемінде, енесі Қызылорда қаласында қонақта жүргенде С.Ерманова оның сандықтағы 20.500 долларын ұрлаған. Яғни ол ақшаны әр кезде, әртүрлі сомада сол жылдың маусым айына дейін ұрлап алып, өз қажетіне жұмсаған, оның орнына жалған долларларды салып қойған. 2011-жылдың тамызында ол енесінің жиған ақшасын ұлы Е.Ермановқа беретінін естиді. Сосын қылмысы ашылудан қауіптеніп, оны өлтіруді ойластырады. Ақтөбе облысы, Шалқар ауданы, Шілікті елді мекенінде тұратын, 1988 жылы туылған, жиені Медет Таңатаровты ақысына ақша беремін деп қылмысқа азғырған. Ақтөбе станциясында жолаушылардың жүгін тасып кездейсоқ табыс тауып, жұмыссыз жүрген М.Таңатаров С.Ерманованың бұл ұсынысымен келіседі.
Шымкенттегі «Самал» базарының күзетшілері ұрыларға қарсы күрестің жаңа тәсілін ойлап тапты. Олар базардың кіре беріс қақпасына ұрылардың суреттерін жапсырып, қасына «Абайлаңыз, ұры!» деп жазып қойған.
«Біз бұған амалсыздан бардық, – дейді «Қасиет» күзет агенттігінің бас директоры Жанәбіл Сабаев (суретте). – Талай адам ірі көлемдегі ақшасын ұрлатып зар еңіреп келген. Сондықтан өз қызметкерлерімізге тапсырма беріп, қаладағы ұрылардың тізімін жасадық. Содан ұрылардың қайсыбірі базарға кіргенін көрсе, соңынан аңдуды бастайды. Талайын қылмыс үстінде ұстап алып, полицияға өткізіп жібердік. Өкінішке орай, арада оншақты күн өткеннен кейін әлгі ұрыны базардан қайта көреміз. Сондықтан оларды ұстаған кезде тиісті құжаттар толтырып, ұрының суретін тақтаға жапсырып қойған дұрыс деп шештік. Бұған наразы болып, дау айтып келгендер де бар. Бірақ бізде жәбірленушінің арызы, ұрының айғақтық заттармен ұсталғандығы жөніндегі хаттама, оны полицияның қандай машинамен алып кеткені, барлығы жазулы. Екі әйелдің суретін тақтадан алып тастадық. Өйткені олардың жоғары оқу орнында оқитын қыздары аналарының кесірінен көшеде жүруге ұялатындығын айтып жылап келді.
Шымкенттегі Қошқарата өзенінің бойын демалыс аймағына айналдыру керектігі жөнінде жылдар бойы айтылып келеді. Бірақ бұл тақырыпта әзірге сөз көп те, іс аз. Ал таяуда осы мәселе қайта қозғалып, болашақ демалыс аймағының түпкілікті жобасы жасалыпты дегенді естідік. Сосын жағымды жаңалықпен жұртты жақынырақ таныстыруға асыққан едік.
Білгеніміз, аталған жоба жасалуын жасалыпты, бірақ ол әзірге жоғары жақтан бекітілмепті. Біз ол жөнінде Шымкенттегі осындай жобалар жасаумен айналысатын «Архитектура-Дизайн Ш» серіктестігінен білдік. Аталған мекеме қызметкері Анна Сушконың айтуынша, жобаның көп өзгертілетін түрі бар. Қысқа ғана әңгімеден бұл бастаманың қолдау табатын-таппайтыны бүгінде белгісіз болып тұрғанын түсіндік.
Шекарашыларымыздың шаруасы көшіп кететін адамдікінен аумай тұр
Біздің Мақтаарал ауданының көп жері Өзбекстанмен шекаралас жатыр. Сондықтан да қоңсы елмен арада қатынас жиі. Туыс-жекжаттар, құдалар, сауда-саттық жасайтындар бар, әйтеуір шекарадан әрі-бері өтушілер көп. Сондай-ақ біз жақта осы барыс-келістен туындайтын әңгіме де аз емес. «Самарқаннан ақшамыз сарқылып әзер жеттік», «Тәшкенде тауарымыздан айырылып, жұрдай болып қайттық», «Көлікке 5 доллар төлемегеніміз үшін айыппұл салды», «Құжаттарыңның кейбірі дұрыс емес деп үш күн бойы ұстады», «Машинамның құжаты дұрыс болмай, оны «қамап» қойып, айыппұлды еселеп төлеткізді», «Декларацияда көрсетілген күннен кешігіп қалып, айыппұл төлеп әзер құтылдық» деген сияқты сөздерді жиі естиміз. Сосын көкейге мыналар қайтеді-ей, шекарадан өткеннен бастап жағадан алып, аяғыңды қия бастырмайды екен-ау деген ой келетіні рас. Ал тереңірек ойласаң оның шын сырын да ұғынасың. Ендеше, бұл мәселеде кінә кімде, дұрыс-бұрысы қалай деген сұрақтарға жауап іздеп көрелік.
Қалалық және аудандық мәслихаттарда жаңа құрамның қатысуымен алғашқы сессиялар өткізілді, хатшылар сайланды. Мәслихат хатшыларының бұрынғы орнында қалғандары да, жаңадан сайланғандары да бар. Тізім мынадай:
Нұрлан Бекназаров – Шымкент, Ғани Рысбеков – Түркістан, Қашқынбай Баймырзаев – Арыс, Керімжан Сырлыбаев – Кентау қалалық мәслихатының хатшысы,
Бесінші шақырылымдағы Оңтүстік Қазақстан облысының мәслихаты өз жұмысын жаңа хатшымен бастады. Бұл қызметке Құдайберген Ержан сайланды.
Құдайберген Төлепұлы Ержан Өзбекстанның Жызақ облысында туылған, жасы – 54-те. Алматы Халық шаруашылығы институтын бітірген. Мамандығы – экономист. Ол төртінші шақырылымдағы облыстық мәслихат депутаты, бюджет және ауыл-аймақтардың дамуы жөніндегі тұрақты комиссияның төрағасы болған.
Ал облыстық мәслихат хатшысы қызметін осыған дейін атқарып келген Әбілқасым Досболов жаңа құрамдағы мәслихаттың бюджет және экономиканы дамыту жөніндегі тұрақты комиссиясының төрағасы болып сайланды.
Сондай-ақ облыстық мәслихаттың тұрақты комиссияларының төрағалары болып Серікжан Сейітжанов, Дәуренбек Ахметов, Өмірзақ Мелдеханов және Саттар Қуашбаев сайланды.
"Отырарлықтар менің қандастарым, бірақ маған шындық қымбат",- дейді Баян Нарбекова
Өткен сейсенбіде редакциямызға Отырар аудандық мәслихатының депутаттығына сайлауға түсіп, бірақ қажетті дауыс жинай алмаған Баян Нарбекова (суретте) келді . Ол кісі ауданда сайлау толықтай заң бұзушылықпен өтті дейді.
«Отырар ауданында сайлаудың әділ өтпегеніне менің толық дәлелім бар. Бұл жөнінде аудандық прокуратураға да арыз жаздым. Бүгін сотқа шағым түсірдім. Қазақта «Қарнымның ашқанына емес, қадірімнің қашқанына налимын» деген сөз бар. Қарсыласым таза әрі демократиялық жолмен жеңіске жетсе оған тек сәттілік тілеген болар едім. Бұл жерде әділетсіздік болғандықтан, мен оған төзе алмаймын.
Менің сенімді өкілдерім бюллетеньдерді санаған кезді толықтай камераға түсіріп отырған. Барлығын санап болғанда сайлау комиссиясының төрағасы Талғат Құлымбеттің «Нарбекова – 667, Белгібай – 510, Малдыбай – 338 дауыс жинады» деген сөзі бейнекамерада жазулы. Араға екі сағат салып хаттама толтырғанда мен – 566, М.Белгібай – 578, І.Малдыбай – 358 дауыс жинаған болып шыға келдік. Сонда мұны әділдік деп айта аламыз ба?
Құйтырқы істегендерге құрық салынуы керек деп есептейді
Елімізде өткізілген сайлаудың аяқталғанына да екі аптадан асып барады. Жеңіске жеткендер депутаттық мандатқа ие болып та үлгерді. Ал Оңтүстікте сайлаудың әділ өтпегенін айтып тиісті орындарға шағымданушылар қатары толастар емес. Олардың бірнешеуі редакциямызға келіп, Президенттің атына жазылған Ашық хаттарының көшірмесін тапсырды. «Бұл заңсыздықтар Елбасының құлағына жеткенде ғана шындық орнайды», – дейді олар. Солардың бірі Сайрам ауданының тұрғыны Теңізбех Жұмаділов Президентке былай деп хат жазған:
«Құрметті Нұрсұлтан Әбішұлы! «Жан қарашасыз, дау арашасыз болмас», сайлау сіз айтқандай әділ өткен жоқ. Әділ өткенде Сайрам ауданының халқы бұлай шуламаған болар еді. Сонда cайлауды дұрыс өткізіңдер деп сіз берген тапсырманың барлығы желге ұшып кеткені ме?
Редакцияға мекен-жайы көрсетілмеген хат келді. Авторы «Белгісіз» деп қол қойыпты, хатын газетімізде жариялауымызды өтініпті. «Бәлкім менің бастан кешкендерім біреуге сабақ болар», – депті ол. Біз бұл хатты қаз-қалпында жариялауды ұйғардық. Ол былай дейді: Осы бір дәптерге шұқшиып отырғаныма неше күннің жүзі өткенін білмеймін. Дәптерді парақтай бастағаннан өткен өмірім көз алдыма тізбектеліп келе қалады. Ішімдегі шемен болып қатқан шерімді ақтарып қағаз бетіне түсірсем жеңілдеп қалатын сияқты сезімде боламын. Бірақ неден, қалай бастарымды да білмеймін. Тек дәптер бетіне үңілген сайын әттең деген бір өкініш көкейімнен кетпей тұрып алады. Әттең... әкеме ерегісіп үйден қашып кетпегенімде осыншама былыққа батар ма едім?
1904-ші, Ұлу жылында дүниеден халқымызға мол мұра қалдырған данышпан Абай өтті. Кезінде ол айтып кеткен көп нәрселер әлі күнге дейін маңызын жойған жоқ. Бұл жыл халық жадында сондай-ақ Ресейдің жеңілуімен аяқталған 1904 – 1905-жылдардағы орыс-жапон соғысының басталуымен де қалған еді.
1916-жылы 25-маусымда Николай патшаның Ресей империясына қарасты Түркістан және Дала өлкелерінде тұратын халықтан әскердің қара жұмысына адам алу жөніндегі жарлығы шықты. Ол кезде Батыста бірінші дүниежүзілік соғыс жүріп жатқан болатын. 19 бен 43 жас аралығындағы ер-азаматтарды майданға алу жөніндегі осы жарлыққа қарсы Қазақстан мен Орта Азияда халық көтерілістері бұрқ ете қалды. Ұлт-азаттық көтерілісі әсіресе Қазақстанның көп жерін қамтыды.
1928-жылы Қазақстанда ірі байлардың малын тәркілеу науқаны жүргізілді. Бұл кезде КСРО-да бірінші бесжылдық басталған болатын. Сондай-ақ Троцкий бастаған оппозиция ө кілдерін жер аудару да осы жылы басталған. Лев Троцкий сол жылдары Алматыда тұрған.
Қазақстан Республикасы Тәуелсіздігінің 20 жылдығы қарсаңында Шымкентте 1200 көрерменге арналған жаңа цирк ғимараты пайдалануға берілгені белгілі. Ондағы ауқымды құрылыс жұмыстары рекордтық қысқа мерзімде, яғни 2010-жылы басталып, 2011-жылдың желтоқсанында, бас-аяғы бір жыл ішінде аяқталғанынан да жұрт құлағдар. Содан бергі бір ай бойы онда Мәскеуден келген Ю.Никулин атындағы цирк ұжымы аптасына екі мәртеден өнер көрсетті. Билеттер құны 1500-5000 теңге аралығында болды. Қысқасы, шымкенттіктер цирк өнерін тамашалауға мүмкіндік алды.
Дегенмен бұл жақсы жаңалыққа көлеңке түсіріп тұрған жайлар да жоқ емес. Бірінші кезекте ол цирк ғимараты аумағында автотұрақтың жоқтығына байланысты айтылуда. Яғни циркті тамашалауға барған жұрттың көбі сол күндері көліктерін қайда қоярын білмей, жол қапталдарына қоюға мәжбүр болды. Цирктің алдынан өтетін Б.Момышұлы атындағы көше екі жақты болғанымен аса кең емес, сондықтан мұнда көлік кептелістері көбейді. Тіпті алғаш келгенде мәскеулік қонақтардың цирк хайуанаттарын артқан көліктерінің батпақтап әуреге түскенін айтып жүргендер бар. Бұл, әрине, жақсы көрініс емес.
Менің нағашы атам Мырзабай қажы елге беделді, бай адам болған екен. Түбі отырарлық, руы Божбан, оның ішінде Итемген. Ол кісі өз қаражатына медресе салдырған, молда, мұғалімдер жалдап, қазақ балаларының сауатын ашуға көп көңіл бөліпті. Өз анам Саттар Ерубаевпен бірге сол медреседе оқыған. Саттардың әкесі Асқар, Ерубайлар Мырзабаймен жақын туыс болып келеді.
Мырзабай қажының бес баласы болған, біреуінің есімі Досыбай. Досыбай менің анам Айзаданың әкесі. Ол ел ішін жайлаған қуғын-сүргін кезінде (шамамен 1928-1929-жылдары) байлығы үшін жер аударылыпты. Байларды бала-шағаларымен пойызға тиеп әкетіп бара жатқанда Досыбай сол кездегі төрт-бес жасар қызы Жанбаладан көз жазып қалыпты. Ал баласын іздегендердің зарына оларды күзетіп бара жатқандар құлақ аспайды. Бұл – Түркістанда болған оқиға.
Содан шырқырап жылап жүрген кішкентай Жанбаланы тауып алғандар оны Арыс қаласындағы балалар үйіне өткізеді. Өзінің атын есіне түсіре алмаған кішкентай қызды тәрбиешілер Гүлсара деп атап кетеді.
Кешегі аптада Шымкенттегі Оңтүстік-Батыс мал және өсімдік шаруашылығы ғылыми-зерттеу институтына Ресейден арнайы хат келді. Хат жолдаушы Татарстанда Еділбай қойларын өсірумен шұғылданатын «Эдильбай-Поволжье» серіктестігінің басшысы Андрей Фалалеев Оңтүстік ғалымдарының Еділбай қойы мен Гиссар (қисары) қойын будандастыру арқылы шығарған жаңа қой тұқымы туралы естігендерін, осы бағытта тәжірибе алмасу үшін біздің облысқа келу ниеттері бар екендіктерін білдіріпті.
«Сіздердің жаңалықтарыңыз жөнінде толық ақпар алуға қатты қызығып отырмыз, – дейді А.Фалалеев. – Сондай-ақ сіздерден аталған қойдың асыл тұқымды қошқарлары мен аналықтарын сатып алу да ойымызда бар. Олардың құны мен жас шамалары туралы да білгіміз келеді».
Бұл жағымды жаңалық туралы естіген соң біз аталған институтқа барып, мекеме бас директорының міндетін атқарушы Нұрадин Әлібаевтан ресейліктерді аса қызықтырып отырған жаңалық жөнінде сұрадық.
Оңтүстік спортында – ірі жаңалық. Оңтүстік Қазақстан гуманитарлық-экономикалық колледжінің студенті Мөлдір Әзімбай алдағы жазда Ұлыбритания астанасы Лондон қаласында өтетін XXX жазғы олимпиада ойындарына берілетін лицензияны жеңіп алды. Ал мұндай қуанышқа шымкенттіктер араға 32 жыл салып барып кенеліп отыр. Яғни 1980-жылы спорттық гимнастикадан олимпиада лицензиясына тұңғыш рет әйгілі шымкенттік гимнаст Нелли Ким ғана қол жеткізген болатын.
Мөлдірдің жасы таяуда ғана 16-ға толыпты. Ол бүгінде Шымкенттегі гимнастикадан олимпиада резервінің мамандандырылған балалар мен жасөспірімдер спорт мектебінің шәкірті. Біз аталған мектепке барып, Мөлдірдің өзімен және оның ұстазы, Қазақстан Республикасының еңбек сіңірген жаттықтырушысы Галина Долгополовамен сұхбаттастық.
Мөлдір қарапайым отбасында туып-өскен. Спортпен 7 жасынан, Шымкенттегі Горький атындағы №12 мектептің 2-ші сыныбында оқып жүрген кезінен шұғылдана бастапты. Ал аталған спорт мектебіне оны 2002-жылы алғашқы жаттықтырушысы Алина Жарменова ертіп келген.
«Отбасындағы төрт баланың кенжесімін, – дейді Мөлдір. – Олжас, Жолдас есімді ағаларым, Динара деген әпкем бар. Спортшы болуға кішкентай кезімнен құмарттым. Маған бұл спорт түрі өте ұнайды. Чемпион болып, ата-анамды қуантқым, Қазақстанның атын шығарғым келеді».
Бүгінде барлық жерде өткен жылды қорытындылап, жақсы көрсеткішке жеткендерді марапаттап жатыр. Біреулердің суреті Құрмет тақтасына да ілінеді. Олардың арасына халыққа етене таныс болмағанымен басшылардың тілін тапқыш адамдардың да еніп кететіні жасырын емес. Жақында Шардарадан мынадай хабар алдық.
«Аудан басшысы М.Марайым 2010 жыл қорытындысында «Жыл адамы» атағын Қ.Әкбаровқа қандай еңбегін бағалап бергеніне Сырдария ауылының тұрғындары аң-таң, – дейді Жора Бейсен есімді азамат (суретте). – Өйткені ауыл тұрғындары Қ.Әкбаровты бес саусағындай біледі. Ол өмірде аудан төңірегінде мемлекеттік қызмет атқарып көрген емес. Тіпті еңбек кітапшасы ашылмаған болуы да мүмкін. Оның «Жыл адамы» атағын алатындай істеген еңбегін халық білмейді».
Осыған орай біз аудандық мәслихаттың төртінші шақырылымдағы хатшысы Тоқсанбай Бердібековке хабарласып, Қ.Әкбаровқа ондай атақ не үшін берілгенін сұрадық.
Халқымыз еркелетіп Димаш аға атаған Дінмұхамед Қонаевтың 100 жылдық мерейтойы Қазақстанның түкпір-түкпірінде аталып өтуде. Сондай жиынның бірі таяуда Отырар ауданының орталығындағы мәдениет сарайында ұйымдастырылды. Осы жиынға қатысқандар арасында үлкен кемшілік жіберілгенін байқағандардың бірі редакциямызға хабарласты.
«НұрОтан» ХДП аудандық филиалы Д.Қонаевтың 100 жылдығына конференция өткізу туралы бастама көтергені өте дұрыс, – дейді «Азат» ЖСДП-ның осы аудандағы филиалын басқаратын Бақытжан Сапарбай (суретте). – Бірақ конференцияны ұйымдастырған партия төрағасының орынбасары Бақтыбек Жүніс тарапынан біршама кемшіліктер кетті. Кездесу Д.Қонаевқа арналған. Бірақ кіре берісте, болмаса сахнада ол кісінің бірде-бір суреті немесе сөзі жоқ. Барлық жерге Президенттің суреті мен сөздерін қыстырған. Кездесу Н.Назарбаевтың 100 жылдығына арналған секілді болып кетті. Сырттан келген адамның солай ойлап қалуы мүмкін екендігі Б.Жүністің де, жиынға қатысып отырған Мәжіліс депутаттығынан үміткер ретінде тіркелген нұротандықтардың да ойына келмеген. Өзіме сөз берілгенде мен бұл жөнінде айттым. «Неге Д.Қонаевтың бір суреті немесе сөзі жоқ?» – деп едім, отырғандар қол соға жөнелді».
Өткен аптаның сейсенбісінде Сайрам ауданының Оймауыт ауылына барғанымызда бір тосын жағдайдың куәсі болдық. 74 жастағы сол ауылдың тұрғыны Гүлдана Әлімжанова (суретте) өзінің қалай өзбек болып кеткенін білмей таңданып жүр екен. Сондықтан ол кісінің отбасына барып, жағдайдың қалай болғанын айтып беруді сұрадық.
«Ойбай-ау мен қазақтың қызымын ғой, әкем де, шешем де, күйеуім де қазақ, – дейді Гүлдана апа. – Қыз кезімде Көкішова едім, кейін күйеуімнің тегіне өтіп Әлімжанова болдым. Мына куәлікті алғанда Ақсудағы құжат толтырған қыздар «узбечка» деп жазып жіберіпті. Бұрынғы құжаттарымның барлығы қазақ болатын. Ойламаған жерден өзбек болғанымды кейін байқадық. Күйеуім отыз жылдай полицияда қызмет атқарып, 1988-жылы дүниеден қайтты. Қазір төрт жыл болды, төсекте жатып қалдым. Алатын зейнетақым тоғыз мың теңге ғана. Содан бері органнан немесе ауылдық әкімдіктен бір адам келіп жағдайымды сұраған емес. Қазір дамыған уақыт қой, тым болмаса басшылар дәрігерлердің біреуін жіберіп жағдайымды тексеріп тұрса дұрыс да болар еді.
Жұртты елеңдеткен сайлау да аяқталды. Халықаралық ұйымдардың Қазақстандағы сайлау дұрыс өтті дегенімен кейбір партиялар заң талаптарының өрескел бұзылғандығын алға тартуда. Тіпті олар интернетте бір бойжеткеннің жәшікке сайлау бюллетеньдерін топтап салып жатқан көрінісін де жариялап жіберді. Оны көргендерде бұл қалай болды деген сұрақтың туындауы да мүмкін. Сондықтан біз сайлау қарсаңында өзіміз куә болған бірнеше көрініске тоқталғанды дұрыс көрдік.
Оңтүстік Қазақстан облысының Сайрам ауданында мемлекеттік тілге қатысты өрескел қателіктер болғанын облыстық сайлау комиссиясының төрағасы Берік Торғауытовтың өзі айтты. Осы ауданның №35 сайлау округінен облыстық мәслихат депутатының мандатына таласқан Руслан Омаров пен Бәйкен Әшірбаевтың арасындағы тартыстың дауы бүгінге дейін жалғасуда. Көп жерде Б.Әшірбаевтың суреті жыртылып, оның үстіне Р.Омаровтың суреті қыстырылғанынан бөлек, сайлаушыларды бес мың теңгеге сатып алу жағдайлары болған. Үміткерлердің біреуі маған дауыс бергендердің ауылына жаңа трансформатор орнатамын деп уәде берген. Ал бұл сайлау туралы заңға қайшы.
Осыдан төрт ай бұрын Шымкент қаласының Ескі қала аумағында қайғылы оқиға болғанынан жұрт құлағдар. Онда кәмелетке толмаған жиырма шақты бала екі топқа бөлініп төбелесіп, қала көшелерімен бірін-бірі қуалап атысқанын, сол кезде жазықсыз жүргіншіге оқ тиіп, ол қаза болғанын теледидардан көрсеткен. Бүгінде осы оқиғаға байланысты тергеу аяқталып, іс сотқа жіберілген. Бірақ жәбірленуші жақ осы оқиға бойынша редакциямызға шағымданып келді.
«Менің жұбайым Гүлмира Боқашбаева 13 қыркүйекте кіші ұлымды емханаға апару үшін үйден шығып кеткен болатын, – дейді Түймебай Байқожаев (суретте). – Көп уақыт өтпей оны біреулердің атып кеткенін естіп, төбеме жай түскендей болды. Оқиға орнына жүгіріп жетсем, Гүлмира басынан қан ағып жатыр. Қасында төрт жасар ұлым шырылдап жылап отыр. Ол содан кейін қорыққанынан көпке дейін сөйлей алмай қалды. Оқиға болған жерге полиция келді, тексерді. Кейін қылмыскерлерді ұстады. Тергеуші Б.Исақов пен Қ.Дүмшебаев Қылмыстық кодекстің 96-бабының 2-бөлімімен қылмыстық іс қозғаймыз деген. Өкінішке орай, іс сотқа өткенде ол баптар өзгертіліп кетті.
Редакциямызға Мақтаарал ауданындағы Қазыбек би ауыл әкімшілігіне қарасты Жамбыл елді мекенінің 4-ші бөлімшесінен хат келді. Авторы Әлеукеш Оңалбекова өзінің бұл хатын «Заманада» қаз-қалпында жариялауымызды өтініпті. Ол кісі былай дейді:
«Менің қолыма қалам алып, сіздерге хат жазуыма әділетсіздік пен шындықтың жоғы себепкер болып отыр. Өзім жасым 40-тан асқан адаммын. Ал мұндай жастағы адамға қазір жұмыс табу қиын. Бірақ қиын деп қарап отыра алмайсың, бала-шағаны асырау керек.
Мамандығым – есепші, (1С бухгалтер). Жұмыс іздеп бармаған жерім жоқ. Таяуда жаурап-жасынап жүріп Жетісайға барғанмын. Жұмыс іздеп ондағы «Оңтүстік-жарық» мекемесіне бас сұқтым. Сәтбай Махамбетов деген бастықтың (инженер) қабылдауына кірдім. Ол: «Жұмыс бар, үш күн стажер болыңыз, сосын көрерміз», – деді. Содан іске кірісіп, үш күн бойы түбіртектер таратып, ақша жинаумен болдым. Ауылымыздың көшелері үнемі батпақ болып жатады, аяғыма су өтіп әбден әбіржідім. Ал менің осы еңбегім еленбеді.
Егер Сіз айрықша ақпараттардан хабардар болсаңыз, таңғажайып оқиғаның ортасынан табылсаңыз, тосын көріністерге куә болсаңыз, онда шұғыл түрде бізбен байланысқа шығыңыз.
Өзіңіз көзбен көрген оқиғаның мән-жайын тез арада жазып, суретімен қоса бізге жолдар болсаңыз тіпті жақсы.
Ең бастысы, нақтылық, жеделдік, шындық қажет.
Бұл орайда жағымды жаңалықтар да, келеңсіз көріністер де тақырып арқауына айнала алады.
Мұндай хабарларды Қазақстанның кез-келген түкпірінен жолдауыңызға болады.
Назар аударыңыз: Газетке пайдалануға жарайтын айрықша ақпараттар үшін бір мың теңге мен он мың теңге аралығында қаламақы төленеді.
Ал тұрақты түрде атсалысушы азаматтарға қосымша сыйлықтар, арнайы жолдамалар тағайындалады. Сондай-ақ таяу келешекте жасына, мамандығына қарамай-ақ кесімді жалақы төленіп тұратын жұмыс ұсынылуы мүмкін.
Қысқасы, «Замана» өзінің барлық оқырманымен сенімді серіктес әрі әріптес болуға қашан да дайын! «Заманаға» автор болуға асығыңыздар!
Біздің электрондық почтамыз: zamana_shmk@maіl.ru.
Жұлдызнама
(23.01 - 28.01)
Тоқты (21.03-30.04)
Жұмысыңыз біршама көбеюі мүмкін. Өзгелермен түсінісе, тіл табыса қимылдауға мән беріңіз.
Торпақ (21.04-21.05)
Сіздің әрекеттеріңізге көп нәрсе байланысты. Әсіресе отбасылық мәселелерде мұқият болғайсыз.
Егіздер (22.05-21.06)
Жақын адамыңызбен тізе қоса қимылдағаныңыз дұрыс. Оның пайдасын молынан көреріңіз анық.
Шаян (22.06-23.07)
Апта күндері сізден жинақылықты талап етеді. Негізгі шаруаларды бір жүйелеп алғаныңыз абзал.
Арыстан (24.07-23.08)
Жолыңыз ашық, көңіліңіз көтеріңкі болады. Сізден біреу жәрдем сұрауы мүмкін, демеп жібергеніңіз жөн.
Бикеш (24.08-23.09)
Қай шаруаға да ойланбай қойып кетуден сақтаныңыз. Бұл аптада осыны ұмытпағаныңыз дұрыс.
Таразы (24.09-23.10)
Басты жұмысты бір жүйелеп қоюға тырысыңыз. Денсаулық мәселесін де назарда ұстағайсыз.
Сарышаян (24.10-22.11)
Сізге аптаның ортасындағы күндер жайлы тимек. Маңызды істерге бел шеше кіріссеңіз болады.
Мерген (23.11-21.12)
Сөзіңіз бен ісіңіздің бір жерден шығуын назардан тыс қалдырмаңыз. Сізге көз тігушілер бар.
Тауешкі (22.12-20.01)
Ойда жүрген шаруаға осы аптада кіріскеніңіз дұрыс. Сізге досыңыздың жәрдемі тигелі тұр.
Суқұйғыш (21.01-19.02)
Белсендірек болуыңыз қажет. Бұл – мүмкіндіктер аптасы, қолайлы сәттерді қалт жіберіп алмаңыз.
Балық (20.02-20.03)
Ішкі түйсігіңізге сеніп әрекет етсеңіз, адаспайсыз. Қомақты олжаға қол жеткізуіңіз мүмкін.
Біздің газеттер
Құлағыңыз түрік жүрсін
«Ауырмаңыз!» газетінде не жазылған?
*Аязды күндері кейбір адамдарды терісі қышып, әбіржітетіні, ісініп, онда бөртпелер пайда болатыны бар. Медицина тілінде бұл «суыққа аллергия» деп аталады. Суыққа аллергия көбіне бұрын жұқпалы аурулармен ауырған адамдарда 25-30 жастан кейін пайда болады екен. Мұндай аллергиядан қалай арылуға болады? Аяздан болатын аллергияға шалдықпас үшін не істеу керек?
* Қыстыгүні жас балаларды жиі мазалайтын баспаны (ангина) болдырмайтын тәсіл бар. Ол қандай тәсіл?
* Көздің көру қабілетін жақсартып, бұлдырағанын халықтық тәсілдермен де емдеуге болады екен. Ол үшін аса көп шығындалудың керегі жоқ. Тек...
* Көп адам моншаға түсуді тек кірден тазару деп қабылдайды. Сөйтіп, аптасына бір, ары кетсе екі рет моншаға түседі. Бірақ ыстық бу мен жылы судың қадірін білгенмен, пайдасын білмеген күйі моншадан шомылып қана шығады. Егер олар тиісті ережені біліп, оны орындайтын болса, монша арқылы ағзаны артық қалдықтан тазартқан болар еді. Ағзаға саулық сыйлайтын ол қандай ереже екенін білгіңіз келе ме?
* Омыртқааралық жарық (грыжа) – оңай дерт емес. Буын-буынды қақсатып, отырып-тұруды қиындататын бұл дерттің жазылуы да қиын. Дегенмен Шымкентте ине салу арқылы өзіне ғана белгілі массаж түрімен осы аурудан он күн ішінде айықтыратын дәрігер бар. Оның еміне жұрт дән риза. Себебі сүйегі сырқырап келгендер санаулы күнде үйлеріне қуана қайтады. Ол дәрігерді қайдан табуға болады?
* Ауырып қалған кей адамдарға дәрігерлер, кейде үлкендер де «қанды тазарту керек» деп жатады. Қан тазартудың денсаулыққа әсері қандай? Оны қалай тазарту керек?
...Бұл сұрақтардың жауабын «Замананың» қосымшасы – «Ауырмаңыз!» газетінің жаңа нөмірінен табасыздар.
Құлағыңыз түрік жүрсін!
«Қызық газетте»не жазылған?
Дүние есігін ашқаннан жетімдіктің тауқыметін аз татпаған оның ең алғашқы сүт-анасы кәдімгі жаңадан боталаған аруана болыпты. Ержете келе бар бақытын шығармашылық өнерден тапқан сол адамның тағдыры туралы «Жетімдікті жеңіп, жетілген жан» деп аталатын хикая «Қызық газеттің» осы аптада жарық көрген жаңа нөмірінде жарияланған.
Сондай-ақ аталмыш басылымға қандықол қылмыскерлерді құрықтаған бұрынғы полиция қызметкерінің жан сыры мен сезім сергелдеңіне түсіп, жат елге кетуге мәжбүр болған жас қыздың басынан кешкендері жайында жазылған тағы да екі хикая еніп отыр.
Оқыңыз, өкінбейсіз!
Құлағыңыз түрік жүрсін!
* Новая, уютная
* Тихий центр
* Все условия
* Умеренная цена
Наш адрес:
г. Шымкент,
ул. Акпан батыра, 23.
(уг. улицы Майлыкожа.).
Тел.: 8(725-2) 53-26-79.
Моб.: 8-775-92-47-999.
Будьте нашим гостем!
"Керек кеңестер"
«Керек кеңестерден» кеңес алыңыз
Өмірдің әр саласында әркімнің өз көрген-білгені, көңілге түйгені бар. Осы тұрғыда ол туыстарына ғана емес, қажет еткен басқа жандарға да пайдалы ақыл-кеңестерін беріп отырады. Ал мұндай сауапты іске газеттер атсалысса, оның көпшілікке берері тіпті де еселене түспек. Бұл бағытта «Замананың» қосымшасы – «Керек кеңестер» газетінің атқарып жатқан істері жетерлік.
«Керек кеңестер» газетінің биылғы 1-ші нөмірі жарыққа шықты. Онда тұрмыс-тіршіліктің сан саласын қамтитын түрлі кеңестер молынан жарияланған. Оқыңыз, керегіңізге жаратыңыз!
SMS
"Замана" арқылы сәлемдеме жолдай аласыз
Құрметті оқырман!
Сіз бұдан былайғы жерде «Замана» газетінің редакциясына, сондай-ақ біздің газеттің барлық жердегі оқырмандары үшін өз атыңыздан шұғыл түрде, тікелей телефон арқылы
SMS – хабарлама
жолдай аласыз. Атап айтқанда, Сіз біздің арнайы ұялы байланыс телефондарымызға хабарласа отырып, мынадай мәселелер бойынша жеке басыңыздың сәлемдемесін жеткізуіңізге болады:
– сүйінші сұрау; алғыс айту; жоқ іздеу; ескертпе жолдау; қуаныш бөлісу; өмірлік жар іздеу; басқа да құлақтандырулар.
Сіздердің SMS – хабарламаларыңыздың ең өзекті, зәру дегендері газетімізде тегін жарияланатын болады. Ол үшін аты-жөндеріңіз бен телефон нөмірлеріңізді көрсетуді де ұмытпасаңыздар екен.
* Ассалаумағалейкүм! Аллаһтың әмірін бұлжытпай орындайтын, Пайғамбардың сүннетін жанына жылу еткен, Имам Ағзам Әбу Ханифа мазһабын ұстанатын, шариғат ілімінен хабары бар, өте әдепті, ибалы да инабатты мұсылман қыздармен танысқым келеді. 81-ші жылғымын. Жеңіл ойлылар мазаламауын өтінемін. 8-775-712-34-03.
