Оқиға ортасында

Қазақстанда қанша "авторитет" бар?

22.05.2009 12:34

Таяуда еліміздің құқық қорғаушылары Қазақстандағы қылмыс әлеміне өз ықпалдарын орнату мақсатында Алматыға келген бірнеше «заңды ұрыларды» қолға түсіргені туралы мәлімдеген болатын. «Ворлардың» барлығы да Ресей мен Грузиядан келген екен. Алматы мен Алматы облысында бірқатар жиындар өткізбек болған оларды тұтқындау арқылы құқық қорғаушылар бірнеше «тапсырыстың», яғни кісі өлтірудің алдын алған. Сонымен қатар қылмыстық топтар арасында ықпал жүргізу аумағы үшін болуы мүмкін «разборкалардың» да жолын кескені туралы айтылады.

Дей тұрғанмен таяуда ішкі істер министрлігінің кейбір жауапты қызметкерлері аузынан республикамызда қылмыстық ахуалдың өршіп кетуі мүмкін екендігі туралы да айтылып қалды. Елімізде жұмыссыздықтың белең алуына байланысты қылмыстың арта түсуі ықтимал көрінеді. Әсіресе бұл Орта Азия аумағының мәдени және қаржы орталығы саналатын Алматыда орын алуы мүмкін. Өйткені Алматыда жұмысын жүргізіп жатқан отандық кәсіпкерлер көп, ақша да мол. Қала қылмыс әлемін осынысымен қызықтырады. Онда 90-шы жылдардағы дағдарыс кезінде туындап, қалыптасып қалған қылмыстық орта бар.

Толығырақ... Пікірлер (1)

Қымбат көлікке қызыққан екен

22.05.2009 11:36

Елбасы Н.Назарбаевтың дағдарыс кезінде артық шығындарды болдырмау жөнінде айтып келе жатқанына біршама уақыт болды. Бірақ сол сөздер кейбір басшылардың құлағына жетпейтін тәрізді.

Сөзімізді нақтылай түссек, дағдарыс алқымнан алған тұста Отырар ауданы әкімінің аппараты көзді жұмып «батылдыққа» барған. Олар әрқайсысы 3 800 000 теңгелік «Volkswagen Passat В 6 2.0» маркалы екі автокөлікті сатып алу жөнінде «Mercur Auto LTD» ЖШС-мен келісім-шарт жасаған. Қымбат көліктерді өткен жылғы 31-шілде күні тіркеуге алғызған.

Дегенмен жоғарыдағы келісім-шарттар ешқандай заң талаптарына жауап бермейді екен. ҚР «Мемлекеттік сатып алу туралы» Заңының 5-бабы 8-тармағына сай мемлекеттік сатып алудың бекітілген жылдық жоспарында көзделмеген тауарларды, жұмыстарды, қызметтерді сатып алуға жол берілмейтіні айтылған. Сотта анықталған жағдайларға қарағанда «Отырар ауданы әкімінің аппараты» мемлекеттік мекемесінің қаржыландыру жоспарында екі дана автокөлік алуға қаржы көзделмеген. Сондықтан ҚР Азаматтық кодексінің 158 бабы, 1 бөліміне сәйкес мазмұны заң талаптарына сәйкес келмейтін мақсатпен жасалған мәміле жарамсыз деп тануға жатады. Демек, отырарлықтар қымбат көлікті заңсыз түрде сатып алмақшы болған.

Бұл қаражаттың барлығын жергілікті басшылар ебін тауып ептестіріп жіберер ме еді, кім білсін, егер ОҚО қаржы-бақылау инспекциясының қырағылығы болмағанда. Аталмыш мекеменің дабылынан кейін іс ОҚО мамандандырылған ауданаралық экономикалық сотында қаралды. Екі көлік те бастапқы иелеріне қайтарылды, яғни үкімет қазынасынан 7.600.000 теңге текке кетпейтін болды.

Ұ. ТӘМЕНОВ.

Пікірлер (1)

Қалыңмалды кейінірек беруге келісті

22.05.2009 09:52

Көктемде үйленетін жастардың қатары көбейетіні белгілі. Cтатистикалық мәліметтерге сүйенсек, биылғы Сиыр жылының алғашқы төрт айында шаңырақ көтерген жастардың саны былтырғы жылдың алғашқы төрт айындағымен салыстырғанда едәуір төмен екенін көруге болады. Бұл елімізде орын алған дағдарыстың әсерінен де болар бәлкім. Бір қызығы, қазір ата-бабаларымыздан келе жатқан үйлену ғұрыптарын өзгерістерге ұшыратып, әртүрлі жолдармен шаңырақ көтеріп жатқан жастар баршылық.

Мысалы, кешегі аптада Қазығұрт ауданының тұрғыны Сәкен Әубәкірұлы (суретте) інісін «қарызға» үйлендірген көрінеді.

«Інім Сүйіндіктің жасы 23-те. Біз оны дәл осы кезде үйленеді деп ойламаған едік, – дейді Сәкен. – Енді екеуі үйленеміз деп шешкеннен кейін дайындығымыз жоқтығына қарамастан екі жастың бетін қайтармауды ұйғардық. Көп ұзамай Сүйіндік сүйгенін үйге алып келді. Біз ауыл адамдарына беташар жасап беріп, жастардың некесін қидық. Бірақ үйде қыздың әке-шешесіне беретін қалыңмал дайын емес еді. Ел-жұрттан сұрастырып көріп едік, қаражат табыла қоймады. Амал жоқ, үйдегі жиған тиын-тебенімізді алып, ағайындар мені жаңа құдаларға хабаршы етіп жіберді.

Толығырақ... Пікір қосу

Кешке арналған көйлектер қанша теңге тұрады

22.05.2009 08:56

Дәл қазір жер-жерлерде мектеп бітіруші түлектердің тынымсыз сабақ оқып, тестке дайындалып жатқан уақыты. Сынақтан сүрінбей өткен соң бітіру кешіне деген дайындық басталып кетеді. Ондайда қыздардың кешкі отырысқа киетін киімін таңдау өте қиын. Біз бүгін сол көйлектердің бағасын, сапасын, сәндісін назарларыңызға ұсынғалы отырмыз.

Биылғы жылдың сәнді түсіне сия көк (фиолетовый) түстің еніп тұрғаны белгілі. Қазір базарларда да, киім дүкендерінде де көбіне осы түстегі киімдер сатылуда. Шымкенттегі «Бекжан» базарына кешегі аптада жаңа тауарлардың түсімі болыпты. Саудагерлер көбіне кешкі отырысқа киетін көйлектерді әкелген.

Толығырақ... Пікірлер (3)

Балалар ағайларын ақтамады...

05.05.2009 10:01

Газетіміздің өткен нөмірлерінің бірінде Созақ ауданындағы Ы. Алтынсарин атындағы орта мектепте орын алған дау-дамайға қатысты «Созақта сойқан болған ба?» деген мақала жарияланған болатын. Онда мектеп оқушыларының Премьер-министр Кәрім Мәсімовтың интернеттегі блогына мектеп директорының оқу ісі жөніндегі меңгерушісі Қайрат Сағынтаевтың үстінен шағымданғаны туралы жазылғаны белгілі. Газетіміздің кейінгі нөмірінде біз «Мен баланың басына тепкен емеспін» деген тақырыпта мақала жариялап, онда Қайрат Сағынтаевтың өзінің уәжін берген болатынбыз. Осы мақала жарияланысымен редакциямызға созақтық бірнеше ата-аналар телефон арқылы хабарласып, Қ. Сағынтаевтың шынында да балаларына зәбір көрсететіндігін, егер де оған шара көрілмесе, өздерінің тіпті наразылық шеруін ұйымдастыруға дейін баратындарын білдірді. Біз осы дау-дамайға байланысты аталмыш мектепке арнайы барып, оқушылармен, мектеп мұғалімдерімен және ата-аналармен тілдесуді жөн көрдік.

Осы мақсатта алғашқы кезекте біз Созақ аудандық білім бөліміне бас сұқтық. Білім бөлімінің бастығы Бақыт Жұмаділ мырзаның өз қызметіне кіріскеніне де екі-үш күн ғана болған екен.

Толығырақ... Пікірлер (1)

Келесі мақалалар...

« БіріншіАлдыңғы1234Келесі Соңғы »

Бет 1 , барлығы 4